Nav mualliflari A.Amanov, Z.Ziyadullaev, O.Abdullaev, nav Grecum tur xiliga mansub, biologik kuzgi, yumshoq bug‘doy, o‘suv davri 203-208 kun, o‘simlik bo‘yi 85-90 sm, 1000 ta don vazni 39-42 gramm, dondagi oqsil miqdori 14,2%, kleykovina miqdori 28,5%, hosildorligi 75-80 s/ga. Nav sovuqqa, qurg‘oqchilikka, chang va qattiq qorakuya kasalliklariga, sariq zang kasalligiga chidamli. Ekish me’yori 4,0-4,5 mln. dona, ekish muddati xudud uchun tanlangan optimal muddat. Qoraqalpog‘iston Respublikasi, Andijon, Farg‘ona, Xorazm, Toshkent, Samarqand, Jizzax, Surxondaryo va Qashqadaryo viloyatlarida ekish uchun 2013 yildan Davlat reestriga kiritilgan.