Bosh ofisi Peru davlatida joylashgan Xalqaro kartoshkachilik markazi (CIP)ning Markaziy Osiyo va Kavkaz mintaqasidagi vakolatxonasi kordinatori Vaxtang Mshvidobadze Janubiy dehqonchilik ilmiy-tadqiqot institutida bo`ldi. Tashrif davomida Vaxtang Mshvidobadze institut ilmiy faoliyati va olimlar tomonidan yaratilgan navlar, yangi ishlanmalar, ishlab chiqarish sexi hamda tashkil etilgan muzey bilan yaqindan tanishdi.
Qayd etish lozim, bugungi kunda markaz bilan institutda ilk bora shirin kartoshka yetishtirish va janub iqlimiga mos navlarni yetkazib berish borasida istiqbolli loyiha amalga oshirilmoqda.